Спектакль "Всё нормально"

14 ліпеня 2019 года адбудзецца прэм'ера спектакля «Все нормально» па п'есе Уладзіславы Хмель, рэжысёр Ганна Якаўлева.

«Все нормально» – унікальны праект Рэспубліканскага тэатра беларускай драматургіі і Цэнтра беларускай драматургіі, які будзе паказаны на сцэне Рэспубліканскага тэатра беларускай драматургіі.

Дзве жанчыны – ці маці з дачкой, альбо сёстры, альбо сяброўкі беспаспяхова спрабуюць стварыць дыялог. Магчыма, іх нават і не дзве. Ці былі Вы ў Рыме? Выхавалі цыгарэты ў паштовай скрыні? Вы апраналіся ў чорнае?

Любоў уперамешку з нянавісцю, напружанне, якое вісіць у паветры, адсылаюць да фільмаў Бергмана. Прастора сціскаецца да межаў аднаго пакоя, а час быццам бы спыніўся.

Дэбютная п'еса Уладзіславы Хмель напісана на драматургічнай лабараторыі «Открывачка» пад куратарствам знакамітага драматурга Дзмітрыя Багаслаўскага і ўжо атрымала шырокі рэзананс у тэатральным асяроддзі.

У ролях:

заслужаная артыстка Рэспублікі Беларусь Людміла Сідаркевіч і актрыса Ірына Якавец.

Рэжысёр: Ганна Якаўлева

Драматург: Уладзіслава Хмель

Сцэнограф: Дзмітрый Мохаў

Харэограф: Багдан Красілаў

Мастак па святлу: Іван Гусеў

Прэм'ера: 14.07.2019

Працягласць: 1 гадзіна 25 мінут

Спектакль ідзе на рускай мове

16+

Квіткі можна набыць па гэтай спасылцы.