«Новадрамаўскі аганёк»

Цэнтр беларускай драматургіі запрашае 25 лютага ў 19.00 на капуснік, білеты можна набыць па спасылцы.

Хопіць «новых драм», хопіць драматызаваць. Сучасная драматургія – гэта складана і сур’ёзна. Але часам над ёй можна і пасмяяцца, бо ў сучасных п’есах столькі іроніі, што прыйшоў час паіранізаваць і над гэтым.

Запрашаем на «Новадрамаўскі аганёк» – свята сучаснай драмы, капуснік Цэнтра беларускай драматургіі, падчас якога вы не толькі адпачнеце, але і даведаецеся пра закуліснае жыццё драматурга. Фрагменты спектакляў, музычныя і драматычныя нумары – маладыя аўтары і рэжысёры, запрошаныя «зоркі» створаць незабыўную атмасферу.

У новае жыццё з сучаснай драматургіяй. Вясна – гэта добры пачатак!