Міжнародная драматургічная лабараторыя: прыём заяў

Цэнтр беларускай драматургіі аб'яўляе набор на Міжнародную драматургічную лабараторыю, якая адбудзецца 11-16 верасня.

Для ўдзелу ў адборы неабходна да 10 чэрвеня адправіць на адрас cbdrr@yandex.ru заяўку, матывацыйны ліст і некалькі сваіх твораў (па жаданні).

Заяўка павінна змяшчаць:

1. - Прозвішча, імя;
2. - год нараджэння;
3. - месца пражывання і грамадзянства.

У матывацыйным лісце неабходна пазначыць прычыны, якія прымушаюць вас прыняць удзел у лабараторыі. Форма ліста свабодная, не больш за 1200 знакаў, мы прымаем розныя фарматы матывацыйных лістоў.

Абавязковыя патрабаванні да ўдзельнікаў:

1. - пражываць у Беларусі;
2. - мець 18 гадоў;
3. - людзі, якія «пішуць» (па прафесіі і па прызванню) з практыкай і без;
4. - гатоўнасць да актыўнай работы ў сціснутыя тэрміны з 11 па 16 верасня 2024 года за межамі Мінска (лабараторыя выязная);
5. - гатоўнасць да ўзаемадзеяння і пошукаў новых форм.

План лабараторыі:

1. - драматург і рэжысёр фарміруюць пару;
2. - куратар праводзіць серыю майстар-класаў, накіраваных на раскрыццё драматургічнага патэнцыялу ўдзельнікаў;
3. - пары ствараюць і прэзентуюць сінопсісы сваіх п'ес, па магчымасці чытаюць ужо гатовыя фрагменты тэксту;
4. - драматургі ствараюць п'есы;
5. - праходзяць сцэнічныя чытанні п'ес;
6. - п'есы публікуюцца на сайце Цэнтра беларускай драматургіі і прапаноўваюцца тэатрам з мэтай далейшай іх пастаноўкі.

• *Падчас лабараторыі НЕ праводзіцца праца па навучанні асновам драматургіі.
• *Расходы на праезд, пражыванне і харчаванне пакрыюць арганізатары лабараторыі.
• *Куратар будзе абвешчаны пазней.