II Драматургічная лабараторыя «Открывачка»: прыём заявак

Даты лабараторыі: 06.05 – 30.09

Прыём заявак: 05.04 – 30.04

Для тых, хто робіць першыя крокі ў драматургіі

Цэнтр беларускай драматургіі аб'яўляе набор удзельнікаў на драматургічную лабараторыю «Открывачка».

Вы любіце тэатр і ёсць жаданне напісаць п'есу? Альбо вам здаецца, што тэатр немагчыма састарэў, але вось калі стварыць нешта новае... У любым выпадку за 12 заняткаў з куратарам у вас атрымаецца ажыццявіць задуманае. А дадатковая праграма лекцый дапаможа зарыентавацца ў сучасных тэатральных тэндэнцыях.

Куратар лабараторыі – Дзмітрый Багаслаўскі.

План лабараторыі:

• з с 06.05 па 15.07– заняткі з куратарам
• з 01.09 па 30.09 – прэзентацыя п'ес у форме чытанняў на пляцоўцы Цэнтра беларускай драматургіі

Лабараторыя дае 3 бясплатных і 4 платных месца. Адбор на бясплатныя і платныя месцы праводзіцца на конкурснай аснове. Плата за лабараторыю складае 200 беларускіх рублёў, якія ўносяцца адзін раз.

Для ўдзелу ў лабараторыі неабходна да 30.04.2019 г. напісаць на адрас cbdrr@yandex.ru заяўку, матывацыйны ліст і свае ўжо напісаныя творы любой літаратурнай формы (пры іх наяўнасці). Літаратурныя тэксты дасылаюцца асобнымі файламі.

У матывацыйным лісце неабходна растлумачыць прычыны, якія пабудзілі вас прыняць удзел у лабараторыі. Форма пісьма вольная, не болей за 1200 знакаў.

Заяўка павінна змяшчаць:

• прозвішча, імя, імя па бацьку
• год нараджэння
• месца пражывання
• адукацыя

Абавязковыя патрабаванні да ўдзельнікаў:

• грамадзяне Рэспублікі Беларусь альбо тыя, хто ўвесь час пражывае на яе тэрыторыі
• якім споўнілася 18 гадоў
• гатоўнасць да наведвання заняткаў з 6 траўня па 15 ліпеня 2019 года
• жаданне асвойваць драматургічнае майстэрства 
• жаданне выказацца пра нешта важнае праз п'есу
• здольнасць працаваць актыўна ў сціснутыя тэрміны
• гатоўнасць да ўзаемадзеяння і пошукаў новых форм