ЦБД на фестывалі «M@rt.кантакт» у Магілёве

У межах XIV Міжнароднага моладзевага тэатральнага форуму «M@rt.контакт» Цэнтр беларускай драматургіі зрабіў дадатковую праграму, у якую трапілі ларп «Бзік» па матывах аднайменнай п'есы Аляксея Макейчыка, майстры гульні – Сафія Емельянава і Настасся Сініцына, і лекцыю «Сучасная драматургія: любіць ці ненавідзець» куратара Цэнтра беларускай драматургіі, тэатразнаўцы Анастасіі Васілевіч. Дзякуй, «M@rt.контакт», за магчымасць распавесці пра сучасную беларускую драматургію магілёўскай публіцы.

Таксама ў асноўную праграму форума трапіў спектакль «Яна яго кахала» (Адэскі акадэмічны ўкраінскі музычна-драматычны тэатр ім. В. Васылька, рэжысёр Стас Жыркоў) па п'есе «С училища» Андрэя Іванова, якая была напісана на V Міжнароднай драматургічнай лабараторыі Цэнтра беларускай драматургіі .