Цэнтр беларускай драматургіі ў Бабруйску

Цэнтр беларускай драматургіі разам з Цэнтрам эксперыментальнай рэжысуры ладзіў лабараторную праграму «Зефір-2» у рамках VI Рэспубліканскага фестывалю беларускай драматургіі імя В.І.Дуніна-Марцінкевіча.

Адукацыйная частка праграмы складалася з трох лекцый:

– «Тэатральная эвалюцыя паняцця „дакумент“» Алены Мальчэўскай;

– «Тэатр у XI веку: Арыстоцеля ніхто не адмяняў?» Таццяны Арцімовіч;

– «Сучасная беларуская драматургія ў Польшчы: пераклады, даследаванні, пастаноўкі» Сяргея Кавалёва.

На пляцоўцы Магілёўскага абласнога тэатра драмы і камедыі імя В.І. Дуніна-Марцінкевіча прайшлі сцэнічныя чытанні:

– п'есы «Бессмертный полк» Аляксандра Бугрова, рэжысёры Сяргей Карбоўскі, Таццяна Дарагабед;

– п'есы «Секонд Хенд. ТДЖ. Конец света» Максіма Дасько, рэжысёр Антаніна Аляшкевіч;

– п'есы «Москоу Дримин» Віталія Каралёва, рэжысёр Аляксей Кузміцкі;

– дакументальнай п'есы «Музыка улиц» Карыны Рыбак, рэжысёр Карына Рыбак.

Таксама Цэнтр беларускай драматургіі стварыў ў гарадскім асяроддзі Бабруйска спектакль-праменад «my (май)», прысвечаны тэме асабістай і калектыўнай памяці. Куратарам выступіла тэатразнаўца Анастасія Васілевіч, драматургам – Віталій Каралёў, рэжысёрам – Аляксандр Марчанка.