Чтение пьесы Дмитрия Богославского «Внешние побочные» в рамках фестиваля «ТЕАРТ»

5 кастрычніка на малой сцэне ў 15.00 на малой сцэне Рэспубліканскага тэатра беларускай драматургіі  (вул. Крапоткіна, 44) адбудзецца тэатралізаванае чытанне п'есы Дзмітрыя Багаслаўскага «Внешние побочные»  (12 жыццяў у рэмарках і прабелах). Праект створаны пры падтрымцы Цэнтра візуальных і выканальніцкіх мастацтваў  (Мінск, Беларусь), Інстытута Адама Міцкевіча  (Варшава, Польшча), Цэнтра беларускай драматургіі  (Мінск, Беларусь) і Беларускага дзяржаўнага моладзевага тэатра  (Мінск, Беларусь).

У рамках III Міжнароднага форума тэатральнага мастацтва «ТЭАРТ », які праходзіць у Мінску, былі паказаны два спектакля па п'есах Дзмітрыя Багаслаўскага: «Patris»  (сумесна з Сяргеем Анцэлевічам і Віктарам Красоўскім; рэжысёр Сяргей Анцэлевіч) і  «Ціхі шэпат сыходзячых крокаў»  (рэжысёр Шаміль Дыйканбаеў). П'есы Дзмітрыя Багаслаўскага атрымлівалі прызы і пападалі ў шорт-лісты буйных драматургічных конкурсаў: «Прэм'ера.tхt», «Еўразія», «Любімаўка», «Новая п'еса» і «Конкурс конкурсаў» пры Нацыянальнай тэатральнай прэміі «Залатая Маска».

Рэжысёрам чыткі выступіць Войтэк Урбаньскі. Польскі рэжысёр ужо паставіў п'есу іншага беларускага драматурга: у верасні 2013 года новы сезон маскоўскага тэатра «Практыка» адкрыўся прэм'ерай яго спектакля «Чырвоная Птушка» па п'есе Паўла Рассолька.

Мастак - Ганна Тамчынска. Працавала таксама над спектаклем «Patris», прэм'ера якога адбылася 28 верасня ў рамках беларускай праграмы III Міжнароднага форума тэатральнага мастацтва «ТЭАРТ».

Кампазітар - Дамінік Стрыхарскі.

У ролях: Дзмітрый Багаслаўскі, Аляксандр Шароў, Наталля Анішчанка, Кастусь Міхаленка, Марына Блінава, Вікторыя Чумак, Дзяніс Майсейчык, Рыгор Пятрэнка.

Касмагонія ў п'есе «Внешние побочные» ўзыходзіць да цішыні, да маўчання. Тут няма аўтарскіх рэмарак, але ёсць аўтарскі голас, які кампенсуе маўчанне галоўнага героя, які так і не прамаўляе за ўсю п'есу ні слова. Маўчанне дзіцяці, маўчанне п'янага падлетка, маўчанне абвінавачванага ў тэрарыстычным акце становяцца тым асяроддзем, з якога расце ў нас усё: і добрае, і дрэннае.

Уваход на чытанне п'есы «Внешние побочные вольны, але колькасць месцаў абмежавана.