III Драматургічная лабараторыя «Открывачка»: прыём заявак

Дэдлайн: 10 сакавіка

Даты лабараторыі: 01.04 – 30.09

Прыём заявак да 10 сакавіка

Для тых, хто робіць першыя крокі ў драматургіі

Цэнтр Беларускай драматургіі пачынае набор удзельнікаў на чарговую драматургічную лабараторыю «Открывачка».

Вас цікавіць тэатр і драматургія? Вам ёсць што сказаць свету? Вы любіце пісаць тэксты?Тады вам да нас. Заняткі з куратарам дапамогуць стварэнню п'есы, а невялікая лекцыйная праграма зарыентуюць у сучасных тэатральных тэндэнцыях.

Куратар лабараторыі – Дзмітрый Багаслаўскі.

План лабараторыі:

• 01.04 па 15.07 – заняткі з куратарам (у вячэрні час альбо па выхадным, расклад складае куратар)
• 01.09 па 30.09 – прэзентацыя п'ес у фармаце чытанняў на пляцоўцы Цэнтра беларускай драматургіі 

Лабараторыя забяспечвае 3 бясплатных і 3 платных месца. Адбор адбываецца на конкурснай аснове. Плата за лабараторыю складае 200 беларускіх рублёў, якія ўносяцца аднаразова.

Для ўдзелу ў лабараторыі неабходна да 10.03.2020 г. Адправіць на адрас cbdrr@yandex.ru заяву, матывацыйны ліст і свае ўжо напісаныя творы любой літаратурнай формы (пры іх наяўнасці). Літаратурныя тэксты дасылаюцца асобнымі файламі.

У матывацыйным лісце неабходна растлумачыць прычыны, якія пабудзілі вас прыняць удзел у лабараторыі. Форма пісьма вольная, не болей за 1200 знакаў.

 Заяўка павінна змяшчаць:

• прозвішча, імя, імя па бацьку
• год нараджэння
• месца пражывання
• адукацыя

Абавязковыя патрабаванні да ўдзельнікаў:

• грамадзяне Рэспублікі Беларусь альбо тыя, хто ўвесь час пражывае на яе тэрыторыі
• якім споўнілася 18 гадоў
• гатоўнасць да наведвання заняткаў з 1 красавіка па 15 ліпеня 2020года
• жаданне асвойваць драматургічнае майстэрства 
• жаданне выказацца пра нешта важнае праз п'есу
• здольнасць працаваць актыўна ў сціснутыя тэрміны
• гатоўнасць да ўзаемадзеяння і пошукаў новых форм