Чытанне п'есы «Вечар» Аляксея Дударава

З нагоды дня нараджэння Аляксея Дударава

Аўтар: Аляксей Дудараў

Рэспубліканскі тэатр беларускай драматургіі і Цэнтр беларускай драматургіі запрашаюць на тэатралізаванае чытанне п’есы «Вечар» з нагоды дня нараджэння драматурга Аляксея Ануфрыевіча Дударава. Знакамітая п’еса, неаднаразова пастаўленая ў тэатрах Беларусі і за мяжой, прагучыць у выкананні вядучых акцёраў РТБД – заслужанага артыста Рэспублікі Беларусь Валянціна Салаўёва, Ганны Анісенка і Ігара Сідорчыка.

Тры старых – пазнавальныя героі Васіль, Ганна і Гастрыт – жывуць у адной вёсцы і бавяць час разам: дзеці з’ехалі, а навокал нікога няма, акрамя Сонца, Неба, Зямлі ды старога радыё. Смешная і лірычная гісторыя самотных старых, іх кахання, сяброўства і бацькоўства застаецца актуальнай і ў нашыя часы.

Ролі выконваюць: заслужаны артыст Рэспублікі Беларусь Валянцін Салаўёў, Ганна Анісенка і Ігар Сідорчык, Надзея Цвяткова, Ганна Лебедзява.

Мастацкае і відэаафармленне: Юрый Саламонаў, Уладзіслаў Рахуба.

 Працягласць: 1 г. 20 хв. без антракту

12+

Аляксей Ануфрыевіч Дудараў (1950–2023) – вядомы беларускі драматург, заслужаны дзеяч мастацтваў Рэспублікі Беларусь.  Паводле сцэнарыяў Аляксея Дударава створаны фільмы «Белыя росы» і «Купальская ноч». П’есы «Радавыя», «Вечар», «Чорная панна Нясвіжа», «Палачанка» добра вядомыя беларускаму і замежнаму гледачу.

Чытанне п’есы – тэатралізаваная прэзентацыя п’есы, «правобраз» спектакля, прапанаваны рэжысёрам. Акцёры чытаюць тэкст з ліста.

Чытанне адбудзецца на беларускай мове.

Квіткі: https://rtbd.by/spectacles/vechar/#tickets