Бабруйск. З 27 па 31 кастрычніка 2015 г Праект «Зефір» у рамках фестывалю.

МАГІЛЁЎСКІ АБЛАСНЫ ТЭАТР ДРАМЫ І КАМЕДЫІ ІМЯ В. І. ДУНІНА-МАРЦІНКЕВІЧА

 ЦЭНТР БЕЛАРУСКАЙ ДРАМАТУРГІІ

ЦЭНТР ЭКСПЕРЫМЕНТАЛЬНАЙ РЭЖЫСУРЫ

прадстаўляюць праект 

«Зефір»

«Зефір» – сумесны праект Цэнтра эксперыментальнай рэжысуры і Цэнтра беларускай драматургіі, які адбудзецца ў рамках V Рэспубліканскага фестывалю нацыянальнай драматургіі імя Дуніна-Марцінкевіча ў г. Бабруйску. Каманда драматургаў, рэжысёраў, тэатразнаўцаў з Мінска разам з акцёрамі тэатра г. Бабруйска  на працягу пяці дзён фестывалю будуць шукаць шляхі ўзаемадзеяння і кантакту ў сучасным тэатральным працэсе. Чытанні сучаснай драматургіі, лабараторыя дакументальнага тэатра, «круглы стол», абмеркаванне створаных работ – усе гэтыя накірункі істотны для ўсталявання якаснага і прадуктыўнага дыялога паміж маладымі тэатральнымі сіламі краіны. Такая камунікацыя з'яўляецца найгалоўнейшай задачай праекта, а прыцягненне ўвагі да сучаснай беларускай рэжысуры і драматургіі – неабходны шлях да дыялога з гледачом.

ЦЭНТР ЭКСПЕРЫМЕНТАЛЬНАЙ РЭЖЫСУРЫ

 прадстаўляе:

 Праграма чытанняў:

28 КАСТРЫЧНІКА а 17 г.

Чытанне п'есы «Спички» Канстанціна Сцешыка. Рэжысёр: Валянціна Мароз (малая сцэна Магілёўскага абласнога тэатра драмы і камедыі В. І. Дуніна-Марцінкевіча).

29 КАСТРЫЧНІКА

  15.00

Чытанне п'есы «ХурЬма» Наталлі Слашчовай.  Рэжысёр: Антон Макуха (малая сцэна Магілёўскага абласнога тэатра драмы і камедыі В. І. Дуніна-Марцінкевіча).

  16.30

Чытанне п'есы «Человечек» Паўла Расолька.  Рэжысёр: Юлія Альшэўская (малая сцэна Магілёўскага абласнога тэатра драмы і камедыі В. І. Дуніна-Марцінкевіча).

30 КАСТРЫЧНІКА ў 15.30

Чытанне п'есы  «Лондон» Максіма Дасько. Рэжысёр: Алена Сілуціна (малая сцэна Магілёўскага абласнога тэатра драмы і камедыі В. І. Дуніна-Марцінкевіча).

31 КАСТРЫЧНТКА а 11 г.

Чытанне казак для дарослых: «Сказка о сдобных булочках и человеке, который очень хотел летать»  Наталлі Лішык, «Ша-ша з левага чаравіка» Алены Мальчэўскай, п’еса-казка «Пясчаны замак» Сяргея Кавалёва

Рэжысёр: Наталля Ляванава.

(Кафэ-клуб "АRТиШОК", будынак Драмтэатра)

ЦЭНТР БЕЛАРУСКАЙ ДРАМАТУРГІІ

 прадстаўляе:

«Gorod.doc»

У рамках  V Рэспубліканскага фестывалю нацыянальнай драматургіі імя Дуніна-Марцінкевіча ў г. Бабруйску пройдзе чатырохдзённая лабараторыя «Gorod.doc». З 27 па 30 кастрычніка 2015 г. каманда беларускіх драматургаў, рэжысёраў і акцёраў правядзе тэатральнае даследаванне горада Бабруйска.

Тэхналогія «вербацім», пры дапамозе якой будзе стварацца праект, дазволіць яго ўдзельнікам «выйсці з-за куліс» і акунуцца ў свет рэальнага горада з яго легендамі і міфамі, са звычайнымі і незвычайнымі жыхарамі  бабруйскіх вуліц і двароў. З чаго кампануецца жыццё  гарадской прасторы? З якіх людзей яно складаецца? Якія вобразы жывуць у галовах жыхароў, і якія рэаліі іх абкружаюць?

Маладыя мінскія драматургі і рэжысёры сумесна з акцёрамі Магілёўскага абласнога тэатра паглядзяць на горад праз прызму дакументальнага тэатра, стварыўшы з тэкстаў, створаных пры дапамозе інтэрв'ю, адзіны мастацкі твор.

Драматургі-удзельнікі лабараторыі: Дзмітрый Багаслаўскі, Сяргей Анцэлевіч, Віктар Красоўскі.

Фінальны паказ у рамках фестывалю адбудзецца 30 кастрычніка ў 17.30 

Месца правядзення:

г. Бабруйск (малая сцэна Магілёўскага абласнога тэатра драмы і камедыі В. І. Дуніна-Марцінкевіча).